Ind'u Macellaru - Chez le boucher

Source : U Muntese

Hè ciò ch'hè accadutu ind'e un macellaru (ch'accechi puru 1, s'ell'ùn hè vera 2)

- Salute, vulerìa appena di carne per arrangià à un tianu 3.
- Vi basta questu pezzu ? Ci hè un pocu d'osse 4.
- Iè, n'aghju abbastanza, u mi vulete intazzà 5 ! Ma mi pare chì ci sìa troppu osse 6 !
- Chì cridite, chì l'osse e v'aghju da rigalà 7 ? Soca 8 ùn le vi pagu quande vo 9 mi vendite una vaccina 10 !
- Pagà, pagà ! l'ètima scorsa, v'aghju arricatu una bella vacchetta, "à stimu" 500 franchi u chilò, è voi a mi fate pagà à più di mille ! In più v'avete pigliatu capu è trippera ! À chì stanta 11 à chì prufitta !
- O paisa' 12 ! Basta cusì, scrivite à u ministru o andate à vede u prefettu, ma a vostra fera 13, avà, tumbàtela da per voi 14, fàtene ancu a misgiscia 15, ci hè a ghjente chì aspetta 16. Èiu, a me carne a mi tengu 17.
- Tenìtevili puru e'vostr'osse ! À parte da dumane, s'o campu, feraghju anch'èiu u macellaru, cusì a me' roba, a venderaghju da per mè, e l'osse saranu pè' i cani.
Ma chì ghjurnata casticata ! U disgraziatu a si tuccò à pedi sin'à a so' casa. Lebiu 18 di pane è di carne, affaccò ind'e a moglia.
- Sò tutte e to prove, sì a risa di u paese! Dumane scalderai u fornu, è ferai a bucata, è sò éiu ch'anderaghju à cumprà a manghjera, li disse a donna,... È ch'èiu ùn senti un ansciu !